CERITA LUCU | LOMOS NI SIMATUA

LOMOS NI SIMATUA

(Nigoretton ni: Bernata Asmail Manalu)

Ra, sude do hita umboto manang hea mambege ende ni halak batak taringot na marsimatua. Alai asa lobi hattus ende aha I, niulahan ma manggoretton hata – hata na i. Attar songonon ma molo nigoretton sapponggol,

“Unang sai lomos be roham, inang simatua ku dilakka ni helamon. Tung godang manggoda au, ipardalananki, tu borumi do rohakki”.

Ende on pinatomu – tomu ni namalo halak hita. Dang apala binahen goar nasida alai nahuingot Trio Perdana ma mamboan ende on jala tung godang do na mandok uli ende on, sai lakku – lakku do kaset nasida tikki I dibaen ende on.

Molo dipaihut – ihut isi ni ende on, on ma sahalak na so sadia leleng dope marhasohotan, ra attar parende ma ulaon na molo daong tarsongon akka supir ma ra. Ai attar I do di halak hita. Bakko ma I tutu, molo akka ulaon na songoni, sai jot – jot do gabe mian manang gabe mamboan parbadaan di rumatangga ala ni akka oddeng ma i. Hela na burju do ibana jala tubu ma dirohana lao paposhon roha ni simatua na asa unang sai holsoan taringot di parrumatanggaon na dohot niolina I, ima boru ni simatua na. Attar songoni ma sakkababa taringot ende i.

Foto: Dari Google

Asa, dangi, molo hubege ende on, sai mulak – ulak ma tu ende on anon on. Molo hubege ende on gabe sai huingot do adong sada namasa di hita an. Jala sai geok – geok do.

Songon on ma, turi –turian on.

Dang dope sadia leleng marrumatangga si Porhot (dijou halak Pak Gira) dohot niolina Si Lokkang (Mak Gira). Pak Gira na karejo di sada Pargocci molo saonari Kibot ninna. Sai akka torbang luat do Pak Gira on, molo karejo. Ai akka tu ulaon – ulaon pesta adat do nasida gabe pargocci.

Martahi tonga ari, Pak Gira lao borhat ma karejo. Makkuling ma teleponna.

“…Ise mandokkon au selingkuh, molo dao sian…..” Soara ni henpon na.

“Halo…Horas, lae… “ ninna Pak Gira ma mangalusi telepon on

“Ise I, Pak…”, disukkun Mak Gira

“Halo, lae… Bah boha? Sehat do lae? Sehat do barang i? Hahaha…., Borhat do hita tonga ari on ninna tokke I bah… Pesta Horja di Sibambanon”, ninna na martelepon i.

(Huta Sibambanon on di Kecamatan Pakkat Kabupaten Humbang Hasundutan)

“Lae si Tarapul, mak Gira…” ninna Pak Gira ma mangalusi Mak Gira

“Bah, Horas lae, lae on nian… Borhat pukkul piga hita, lae ? Asa huboto marhobas laos paboa lae ma tu si Torang bah, asa unang lupa mamboan Sulim hu na kunci B i, “ ninna Pak Gira

“Bah, pittor marhobas ma lae, bah. Ala na tonga ari ikkon nga disan hita ninna tokke. Molo sulim ni lae nungnga be dison ai nga sahat si Torang di son, ate lae, hatop ma lae, hupaima hami, ate…”

“Bah ido, olo olo lae.. songoni ma jo asa marhobas au” tut….tut…tut….” ninna Pak Gira jala laos manutup telepon na i

Humalaput ma Pak Gira on makkobasi akka ugasanna, songon nasomal sai jumolo do akka paheanna di baen tu rangsel na i.

“Pak,,,, didia hamu karejo? Leleng do huroa ?”, ninna Mak Gira

“Dang sadia leleng, hasian. Dua ari ma ra sian sadari on, pesta horja di Sibambanon. Marga Manalu, Hita dope ra I”, ninna Pak Gira mangalusi

“Ohhh ido, Pak, dia ma hupature I akka siboanonmu…”

Di na paunehon akka ugasan ni Pak Gira nasida, ro ma simatua ni Pak Gira on. On dope huboto hamuna, ai Sonduk hela do molo Pak Gira on.

“Amang Pak Gira, karejo tudia hamu muse? Ai I dope mulak nga pittor lao muse,.. ise ma dongan ni Mak Gira on di jabu? Au saminggo anon tu Singapura, pajuppa tu partulakan haminjon ta I”, ninna Oppung Gira, simatua ni Pak Gira

“Ido ninna hamu inang, doppak Sibambanon, inang. Dang sadia leleng au di san mardua ari do, inang”, alus ni Pak gira.

“Ahh ai inong on nian, dang pola boha I, ai na karejo helam”, ninna Mak Gira manambai alus ni Pak Gira

“Imadah, ai au pe dang dia rohakku, ai sipata, so pos roha mamereng akka parende – parende on, ate amang hela, dang i? Olo do sakkot di parende an akka passarian I, suda-suda tu pardonganon, suda tu parleha-leha on, tading ma na gelleng –gelleng I, ima na sahat tu ruma tangga. Da na songoni do anak ni par jabu torua an gabe sirang…..”

Pittor songon na tarpakkut lapiung ma Pak Gira mambege hata ni simatua na i. Ai sai hona lesem do sipata akka na sonduk hela on

“Palias ma I inang, jala sai dao – dao ma sian hita akka na songoni. Pos roham inang, ai naung rokkaphu gabe do ianggo Boru muna on. Jala molo taringot na marleha – leha, dang hear a niihuton i, ruma tangga nama on nama na hupikkiri”, lambok ma pangalusi ni Pak Gira tu Simatua na i

“I do attong amang hela, tung las ma rohakku mambege I, jala lobi las do roha molo nga songoni ni ida” ninna simatua na i

“Saddok inang, pa pos ma roha mu na, nang pe sipata hutinggal hon boru muna on, dang lobi holan ala na karejo do au. Tangiangkon ma inang asa tibu hami songon halak. Tangiangkon hami inang parkarejoan kon, toktong”, Ninna Pak Gira lao paposhon roha ni simatua na

“Ima tutu, amang. Dippos dippos baen hamu akka na gabe dalan pardomu-domuan di rumatangga mu na, sihumisik dang na saotik anon molo nga tu hasiangon Mak Gira on”, ninna siamtua na

“Olo ninna hamu, inang, ai pos ma roha mu na, molo sai lam tu denggan na do karejokkon inang, dang na loason ku Boru muna on mandai na gelleng, sai naumbalga do hupasahat. Jala tu hamu pe anon songoni ma dang baenokku hamu inang mandai na gelleng”, ninna Pak Gira asa lam pos roha ni simatua na i

Toppu ma songon na tarsonggot simatua na I, mambege alus ni hela nai. Jala pittor hatop lao tu bilut na. Mekkel so tarboto-boto mamikkiri hata ni hela nai…

“Dang loason na au mandai na genlleng, eeee….. bursik ma akka na roa”, marungut-ungut ma di bilut I simatua na i.

Asa dang pala huboto manag aha na di pikkiri simatua na on, taringot tu “Dang loasokku hamu manda I nagelleng”, on. Alai pittor serom, mekkel so tarboto-boto do au. Adong na geok huhilala,,,,,,,